شاعره الجنوب بأختصار
بأختصار
مش عاوزه منك غير دقايق
وأوعدك أنى حقولك كل
الحكايه بأختصار
حكاية القلب اللى حبك
وأتمنى يبقى جنبك ليل
نهار
كانت الاحلام بتاخده يطير
يجيلك
يشتكيلك من غرام غير
حياته
يبكى بدموعه ويتمنى يجى
يوم تسمع أهاته
قلب كان عايش سنين
فى كهف من حزن وانين
والتقاك صدفه صحى
ودبت الروح تانى فيه
وأما كان يجى ويشوفك
كانت الدنيا تجيه
جنب منك يبقى شئ
ولو بعد يبقى لا شئ
كنت عنده كل حاجه
الحبايب والقرايب
والصديق
كنت عنده ضى عينه
نور سنينه
حاجه عاش طول عمره
بيدور عليها
وصدفه قابلك قال بحبك
وأعترف لك
وكتب بشوقه غنوه لعيونك
وحبك
وحس لحظه أنك فرحت بيه
وبغنوته
وأما جالك وبكل شوق قلبه
ندالك
قتلت جواه فرحته
رجع بجرحه ودمعته
تايه فى سكه كلها
أشواك لا هى سكتك
ولا سكته
تايه فى دنيا كلها حزن وألم وجراح
ونار
وأدى حكاية حبى ليك
وبأختصا
ليست هناك تعليقات:
إرسال تعليق