شاعره الجنوب - غبت خمس سنين
غبت خمس سنين
ولقيتهم فى نفس المكان
قاعدين
فى نفس المكان ونفس
الكلام
ونفس الوعود وحلف اليمين
أيهم فى بعض مشبوكين
خايفين يسيبوأيديهم يموت
الامل يضيع الحنين
فى نفس المكان ونفس الكلام
ونفس الظروف
حيره وقلق وضياع وخوف
فى نفس المكان كلامهم
كلام
يبكى الحجر
واه يا زمان تاعب قلوب الحبايب
ومدوخ عقول البشر
مطلوب شقه ومهر وشبكه
تليق بست العرايس
وجهاز مودرن بكبشة فلوس
وفين الفلوس يا جيلنا يا لايص
شفت الامانى تايهه فى عنيهم
فى لمسة أديهم
فى كلمة فراق فوق الشفايف
خايفه تقولها كمان هوخايف
ما يملكشى غير شوية
كلام او حلم زايف
ليست هناك تعليقات:
إرسال تعليق