سالتني
وكان جوابي مش عارف
وتاه الحرف علي شفاتي
وكاني لسه بتعلم
حروف الكلام
ياتري كنت خايف اكدب
ولا نسيت واسيت
ولا الوعد عهد
والنكران مش طبعي
ولا حكاوي العشق
صارت مثل الخبز البايت
تاكل تسد الجوع
بدون طعم ولا معني
طب قولي لو فطين
ايه فينا مش بيوجعنا
ايه بقي في احلامنا
والحلم صار كابوس
ولقمه العيش
علي ظهرنا دبوس
بشكشك كل اوجعنا
بننزف عشق مغشوش
وبنضحك لكل الوشوش
وبنداري حزننا المروش
وبنجري شمال ويمين
جري الوحوش
بس غير رزقنا لن نحوش
انا بتجمل وخايف
عليكي اكدب
فماتسالنيش
وخليني مع جرحي اعيش
انا اتغيرتي من بره
لكن لسه جوه اصيلي بعيش
ليست هناك تعليقات:
إرسال تعليق